Google ADS

Pas sulmit të mbrëmshëm me raketa, Formula 1 del me vendim zyrtar për garën e fundjavës në Arabinë Saudite

14:46 | 26 Mars 2022
Fjolla Bajraktari

Nga Formula 1 është konfirmuar se “Grand Prixi” i Arabisë Saudite do të vazhdojë sipas planit.

Një zjarr shpërtheu mbrëmë në një depo nafte në Jeddah, atje ku është planifikuar për t’u zhvilluar gara.

Deri te ky shpërthim erdhi pas një varg sulmesh me dronë dhe raketa nga grupi Houthi i Jemenit, transmeton Gazeta Express.

Megjithatë, gara për çmimin e madh do të vazhdojë ashtu siç ishte planifikuar. Kjo është konfirmuar sot nga Formula 1 dhe FIA.

“Formula 1 dhe FIA ​​mund të konfirmojnë se pas diskutimeve me të gjitha ekipet dhe pilotët, Grand Prixi i FIA Formula 1 i Arabisë Saudite do të vazhdojë siç ishte planifikuar.

Pas incidentit të raportuar gjerësisht që ndodhi në Jeddah të premten, ka pasur një diskutim të gjerë midis të gjithë palëve të interesuara, autoriteteve të Qeverisë saudite dhe agjencive të sigurisë, të cilët kanë dhënë garanci të plota dhe të hollësishme se gara është e sigurt”, thuhet në njoftimin e lëshuar nga Formula 1. /Gazeta Express/

Shpërndaje në rrjete sociale

Lajmet më të lexuara

Të ngjashme

Foto lajm